Starlink Қазақстан пойыздарында пайда болды! «Арай Транс KZ» ЖШС мен «Kaztechnology» ЖШС Астана – Семей бағыты бойынша қатынайтын пойызда Starlink негізіндегі заманауи Wi-Fi жүйесін іске қосты
Астана – Семей – Достық бағыты бойынша қатынайтын №122/121 пойызының жолаушыларын жайлылықтың жаңа деңгейі күтуде.
Starlink негізіндегі заманауи Wi-Fi жүйесін іске қосты Астана – Семей – Достық бағыты бойынша қатынайтын №122/121 пойызының жолаушыларын жайлылықтың жаңа деңгейі күтуде. Starlink спутниктік технологиясы негізінде жұмыс істейтін заманауи Wi-Fi жүйесі енді ұялы байланыс жоқ аумақтарда да интернетке қосылуға мүмкіндік береді.
Интернетке қосылу небәрі бірнеше секундты алады: • TrainWIFI-00000 желісін таңдаңыз; • авторизация үшін вагон нөмірін енгізіңіз; • порталға кіріңіз немесе вагондағы QR-кодты сканерлеңіз.
Жолаушыларға қолайлы болу үшін «Арай Транс KZ» және «Kaztechnology» компаниялары арнайы бейненұсқаулық дайындады. Онда жолаушылар пойызындағы Starlink спутниктік интернетінің қалай жұмыс істейтіні көрсетіледі.
Енді №122/121 пойызының жолаушылары Орталық және Шығыс Қазақстанның көркем табиғатын, Балқаш пен Алакөл көлдерінің әсем көріністерін тамашалай отырып, маршруттың басым бөлігінде интернетке қосылып, байланыста бола алады. Сіз жақындарыңызбен хабарласып, қашықтан жұмыс істеп, фильм көріп, әлеуметтік желілерде әсерлеріңізбен бөлісіп, сапарыңыздың келесі аялдамаларын жоспарлай аласыз. Заманауи технологиялар Қазақстан бойынша саяхатты бұрынғыдан да жайлы етеді!
